Тетекс во недела поточно утре со почеток во 14 часот и 30 минути, ќе гостува на Градскиот стадион во Струга каде во рамките на шеснаесеттото коло од Втората фудбалска лига на Македонија – Запад ќе го одигра натпреварот против ФК Лабуништа. За овој натревар одредени се официјалните лица, при што главен судија ќе биде Кирил Смоквоски, а ќе му помагаат сограѓаните од Прилеп, Зоран Костоски, Марјан Смилкоски и четврти судија ќе биде Влатко Илиоски кој исто така е од Прилеп. За делегат на натпреварот е одреден Владо Крстевски од Скопје, а контролор на судењето ќе биде Ацо Мировски исто така од Скопје. Нашиот тим прошлата сабота на домашен терен ја совлада екипата на ФК Гостивар со резултат 2-1 и ги запиша првите три бода во пролетниот дел од сезоната. Фудбалерите на Тетекс покажаа дека имаат доста квалитет и дека можаат да се носат со секој тим, како на секој натпревар што одиме на победа така и во Струга одиме со желба да се освојат трите бода за искачување погоре на табелата и опстанок во лигата. Противникот во секој случај не е за подценување бидејќи располагаат со добри фудбалери и на табелата се наоѓаат на второто место, затоа бараме од нашите фудбалери да го дадат својот максимум и да се вратат со победа во Тетово.
Како и секогаш тимот на Напред Тетекс директно ќе го проследи натпреварот за вас, по завршување на натпреварот ќе имате можност да го прочитате извештајот на нашиот веб сајт.

сподели ја статијата!

март 16, 2019