Утре нашиот омилен фудбалски клуб Тетекс од 15 часот и 30 минути на фудбалското игралиште на спортскиот центар во Тетово го започнува дуелот од 3-тото коло против екипата на Еуромилк од Горно Лисиче. Гостите се наоѓаат во долниот дел на табелата, а нашиот Тетекс на четвртата позиција па затоа се очекува тежок противник и борба за освојување на трите бодови. Инаку да кажеме дека во досегашните средби Тетекс има четири победи, а три натпревари завршиле нерешено.
За овој натревар одредени се официјални лица, при што главен судија ќе биде Воислав Истатов, а ќе му помагаат сограѓаните Киро Нистров и Стојан Костадинов од Струмица, и четврти судија ќе биде Игор Иванов од Велес. За делегат на натпреварот е одреден Тони Николовски од Скопје, а контролор на судењето ќе биде Јордан Гицов од Кочани.
Поради “болница на повредени фудбалери” ќе има промени во составот и шефот на стручниот штаб Ивица-Ике Јованоски нема да може да смета на Дино Најдоски, Томас Тасос, Игор Савевски, Даниел Јовановски и Мирослав Јованоски новото засилување кој се опоравува од тешката повреда, така што Тетекс ќе биде значително ослабен и принуден да игра со дел од младинската школа.
Како и секогаш тимот на Напред Тетекс директно ќе го проследи натпреварот за вас, по завршување на натпреварот ќе имате можност да го прочитате извештајот на нашиот веб сајт.

сподели ја статијата!

септември 15, 2017